終於都開學發。
終於都感受到甚麼是全職閑人。
尋日，係facebook玩左個quiz，話我會有3個女加2個仔。我可以肯定，絕對唔會有咁多個的。就算未來老婆肯我都唔肯！
因為有好多時間，所以成日都思考埋d無聊野。不過，呢d思考係無意義的，亦都唔係為左想出甚麼甚麼大道理，純粹係個腦無野個亂咁黎的：
成日問自己，究竟我係咪適合一個人生活？成日話唔結婚，究竟係咪真心話？答案就仲未搵到，不過就知道自己原來很怕寂寞；
成日都係度計數，究竟我平均每個月賺到幾多呢？開學月又少d，放暑假又少d，考試月又少d，停課又再少d。計黎計去，得出一個結論就係：不穩定程度比我畢業前想象中的更不穩定；
成日係度發白日夢，知道自己收入有如地盤散工咁唔穩定，真係好煩躁。再想，以我依家的人工，壓根兒養唔起兩個人。如果第時真係結左婚，咁我老婆咪要出去工作，無得留係屋企做幸福少奶奶？真係好對唔住我的未來老婆；
講到老婆，我剛畢業就感受到我的生活圈子一下子窄左好多，無同學無同事。連女人都唔多見到，何況搵女朋友。更惶論搵老婆；
學生們非常可愛，部份人學習又很認真，搞到我都好開心。佢地仲嚷著考完試要去燒野食，真係好鬼得意。呢種成功感再加上收入唔穩定，搞到我心思思真係想做教師，但係又驚教著d好似我自己咁個d，又唔係咁想；
向著學業個方面想，望到一位前輩進步的速度，信心又再創新低。對自己的能力好有質疑。好想讀書，但又無自信到驚左自己、驚到想逃避，想放棄下年的面試；
講到能力，發覺我小時候真的很桀傲，覺得自己真係天才，幸好人大了見識廣了，知道了咩先叫有才華，我真係好想有，點解個天咁唔公平；
以上就係我呢個幾月的零碎思考。
Chatboard (0)